Për gati tre orë, biznesmeni Begjet Pacolli u mor në pyetje nga Prokuroria e Tiranës në lidhje me konfliktin që ka me bashkëaksionerin Valon Ademi në ndërtimin e Aeroportit të Vlorës. Në komunikimin e shkurtër për mediat, Pacolli tha se ka besim te drejtësia dhe se konflikti nuk ka asnjë prapavijë politike. Biznesmeni është paditur në prokurorinë e Tiranës nga aksioneri i minorancës në koncesionin e ndërtimit të aeroportit të Vlorës. Ademi ka akuzuar publikisht Behgjet Pacollin për mashtrim. Thelbi i konfliktit të dy ortakëve në ndërtimin e aeroportit ka qenë ndarja e aksioneve, ku Ademi zyrtarisht ka 2 për qind të tyre, por pretendon 47 për qind.
 
						 
						 
						 
						 
						 
						 
						 
						 
						 
						 
						 
						 
						 
						 
						 
						 
						 
						 
						