Tre vite pas hyrjes së Maqedonisë së Veriut në Ballkanin e Haipur, opozita në Shkup ka dalë kundër nismës së bashkëpunimit rajonal duke bllokuar miratimin e disa ligjeve në Kuvend. Marrëveshjet për qasjen e tregun e punës, për bashkëpunim në fushën e mjekësisë veterinare dhe të sigurisë ushqimore, si dhe për ndërlidhje dhe identifikim elektronik, janë bllokuar në komisionet e Kuvendit maqedonas që drejtohen nga partia opozitare, VMRO DPMNE. Kryetari i kësaj partie, Hristijan Mickoski, tha se ligjet e nismës rajonale nuk do të kalojnë për miratim në seancë plenare sepse Qeveria nuk e informon opozitën se cili është qëllimi i Ballkanit të Hapur. Ai tha se pret nga kryeministri, Dimitar Kovaçevski, ta ftojë në takim dhe t’i sqarojë se çfarë kërkon Maqedonia [e Veriut] në një grupi rajonal me Serbinë dhe Shqipërinë.