Prej kohësh marrëdhënie mes Luizit dhe Maestors është futur në krizë. Edhe pse pak ditë më parë u mendua se i lanë pas pakënaqësit, këngëtari është i idesë, se pavarësisht mbështetjes që i ka dhënë, Armaldo e shiti atë tek Olta. Dhe për këtë gjë nuk ka ndërmend ta falë. Kur Luizit i duhej të dërgonte 3 banorë në televotim për të larguar nga shtëpia, ai pa hezitim zgjodhi, Armaldon, Kristin dhe Oltën. Tashmë kjo e fundit po e këshillon se si të largohet nga ish miku i tij, pasi sipas saj Luizi po i bën presion psikologjik dhe po e dëmton jashtë mase. Shoqëria mes Luizit dhe Armaldos daton shumë herët, në vitin 2006, kur Luiz Ejlli përfaqësoi Shqipërinë në Eurovision. Luizi shoqërohej në Festivalin Europian të Këngës nga një grup prej tre vokalistësh dhe njëri prej tyre ka qenë pikërisht tenori i njohur Armaldo Kllogjeri.