Reshjet e shiut thuajse nuk kanë pushuar fare prej javësh në gjermani. Në shumë rajone, lumenjtë kanë dalë nga shtrati dhe situata është e tensionuar. Janë të shumtë ata që nuk mundën ta kalonin krishtlindjen në shtëpitë e tyre pasi u evakuuan për shkak të rrezikut të përmbytjeve. Edhe në ditët e ardhshme, situata do të jetë kritike – paralajmërojnë shërbimet meteorologjike, vecanërisht në rajonet e saksonisë së poshtme dhe saksoni-anhalt. Argjinaturat rrezikojnë të prishen ndërkohë që shpresohet që ky mot i keq të marrë fund shpejt. E ndërsa në disa rajone gjendja ka filluar të qetësohet, zona të tjera mbeten nën kërcënimin e motit të keq. Rajonet përreth lumit të Elbës kanë regjistruar nivelet më të larta të ujit dhe të mërkurën pritet një valë përmbytjesh. Kjo rritje e nivelit të ujit lidhet me shkrirjen e dëborës dhe shirat e vazhdueshëm.