Nga trafiku i drogës e deri tek mbulimi i vrasjeve e furnizimi me armë i militantëve islamikë, një bos i mafias turke, ka hedhur baltë mbi anëtarë të partisë në pushtet të presidentit turk, Recep Tayip Erdogan përmes një serie videosh denoncuese që kanë tërhequr vëmendjen e vendit dhe e kanë shndërruar atë në një fenomen në mediat sociale. Sedat Peker, një 49 vjecar, bos krimi në arrati që dikur mbështeste partinë e Erdoganit, ka publikuar video deri në 90 minuta të gjata nga dubai, ku ai është vendosur tani, duke bërë akuza skandaloze, ende të paprovuara, në një përpjekje për të larë hesapet me figurat politike. Videot e përjavshme në Youtube të tij, janë parë më shumë se 75 milionë herë, duke shkaktuar zemërim e duke rritur tensionet në lidhje me korrupsionin në turqi e duke detyruar zyrtarët të hidhen në mbrojtje.