Ukraina nuk është e gatshme të bëjë kompromis me Rusinë dhe të heqë dorë nga territoret e saj për t'i dhënë fund luftës, tha një zyrtar i lartë ukrainas të martën kur u pyet në lidhje me deklaratën e kandidatit për president të SHBA-së, Donald Trump, se ai mund t'i japë fund shpejt konfliktit. Shefi i shtabit të presidentit ukrainas Volodymyr Zelenskiy, Andriy Yermak, u tha gazetarëve gjatë një vizite në Uashington se Kievi do të dëgjonte çdo këshillë se si të arrihet një "paqe e drejtë" në luftë. "Ne nuk jemi gati të bëjmë kompromis për gjërat dhe vlerat e rëndësishme... pavarësinë, lirinë, demokracinë, integritetin territorial, sovranitetin," tha ai. Vizita e Yermak erdhi përpara samitit të NATO-s të javës së ardhshme në kryeqytetin amerikan, ku Ukraina pritet të jetë tema kryesore e diskutimit. Trump, kandidati republikan që sfidon Presidentin Joe Biden, tha gjatë një debati mes tyre javën e kaluar se nëse ai rizgjohej në nëntor, do ti jepte fund shpejt luftës në Ukrainë, madje edhe përpara se të merrte detyrën në janar.