Një sondazh i fundit tregoi të martën se 85% e grenlandezëve nuk dëshirojnë që ishulli i tyre në Arktik - një territor gjysmë autonom danez - të bëhet pjesë e Shteteve të Bashkuara, raportoi e përditshmja daneze Berlingske. Presidenti i SHBA Donald Trump tha në fillim të këtij muaji se Groenlanda ishte jetike për sigurinë e SHBA-së dhe Danimarka duhet të heqë dorë nga kontrolli i ishullit të rëndësishëm strategjik. Sondazhi, tregoi ndërkohë se vetëm 6% e grenlandezëve duan të bëhen pjesë e SHBA-së, dhe 9% janë të pavendosur. Kryeministrja daneze Mette Frederiksen tha të martën se mbështeste plotësisht respektimin e kufijve ndërkombëtarë, pas takimeve me presidentin francez Emmanuel Macron, kancelarin gjerman Olaf Scholz dhe shefin e sekretarit të përgjithshëm të NATO-s, Mark Rutte. Danimarka tha të hënën se do të shpenzonte 2.04 miliardë dollarë për të rritur praninë e saj ushtarake në Arktik. Grenlandës - me një masë tokësore më të madhe se Meksika dhe një popullsi prej 57,000 banorësh - iu dha autonomi e gjerë vetëqeverisëse në vitin 2009, duke përfshirë të drejtën për të shpallur pavarësinë nga Danimarka përmes një referendumi. Kryeministri i Groenlandës Mute Egede, i cili ka shtuar përpjekjet për pavarësi, ka thënë vazhdimisht se ishulli nuk është në shitje dhe se i takon popullit të tij të vendosë për të ardhmen e tij.