Katedralja Notre Dame në Paris do të hapë dyer më 7 dhjetor, pas një pune kolosale që është kryer për ta kthyer në jetë, kur ka kaluar pesë vjet e gjysëm nga flakët e zjarrit që u përhapën në katedrale. Në fillim të dhjetorit, kryepeshkopi i Parisit është planifikuar të kremtojë një meshë festive në kishën e restauruar. Atë javë dyert e mëdha do të hapen për publikun. Asnjë katedrale nuk është më e rëndësishme, për Francën apo për botën. Për më shumë se 800 vjet Notre Dame ka qëndruar në qendër të jetës franceze dhe ka qenë mjedisi i ngjarjeve historike, fetare dhe laike. Ndër vite, Notre Dame u shpëtoi bombave dhe flakëve që shkatërruan katedralet e tjera, duke u kthyer në një ishull stabiliteti në një det ndryshimesh, Notre Dame u bë një nga monumentet më të vizituara në botë, si dhe një vend që miliona njerëz e konsiderojnë të shenjtë.