Shqipëria po këshillohet gjithnjë e më shumë si zgjedhje e parë e nomadëve digjitalë amerikanë. Sipas Travel of Path, lejet afatgjata të qëndrimit, burokracitë e pakta për shtetasit amerikanë dhe mbi të gjitha çmimet po joshin çdo ditë e më shumë amerikanët. Duke cituar të dhënat e INSTAT dhe të Eurostat, Travel Path thotë se qëndrimet e të huajve në Shqipëri u rritën katër herë më shumë se mesatarja e vendeve të BE dhe më të lartën në Europë. Pozicioni gjeografik, klima dhe natyra janë dy faktorë tërheqës për të huajt, por faktori kryesor mbeten çmimet, që pas shpërthimit të krizës së çmimeve kanë dyndur gjithnjë e më shumë drejt lindjes amerikanët.