Rritja e numrit të aksidenteve rrugore ka bërë që Policia e Shtetit të miratojë një plan masash, duke ndërhyrë në goditjen e të gjithë atyre drejtuesve që shkelin rregullat e qarkullimit rrugor. Kësisoj, ka nisur zbatimi i operacionit të koduar “Roudpol mars 2021”, me qëllim rritjen e parametrave të sigurisë rrugore. Prej kësaj të marte, policia ka monitoruar me kamera në segmente kyçe rrugore, të etiketuar si “njolla të zeza” për shkak të ngjarjeve rrugore të ndodhura më parë.