Më 6 shkurt të vitit të kaluar, turqia juglindore dhe Siria veriore u trondit nga një tërmet i fuqishëm. Sipas të dhënave zyrtare më shumë se 50.000 vetë humbën jetën si pasojë e tërmetit, më shumë se 125.000 të tjerë u plagosën. Qyteti Hatay në kufirin me Sirinë u prek më rëndë. Aty ku tani janë larguar rrënojat dhe mbeturinat, nuk ka më asgjë. Shumë lagje të Hatay-t janë kthyer në lagje fantazmë. Pas tërmetit shumë banorë u larguan, ata që kanë qëndruar jetojnë në një masë të madhe në kontenierë, që ishin menduar si strehime të përkohshme.... Sot pakënaqësia është e madhe. Banorët ankohen se ka shumë pak vend në kontenierë. Në shumë prej tyre banojnë familje të tëra. Shpesh mungon uji dhe energjia elektrike. Në ditët e para pas tërmetit njerëzve iu dhanë falas ushqime dhe artikuj të tjerë, por ndihmat humanitare tani janë ndërprerë.