Një ish gjeneral rus ka sugjeruar se lëshimi i një bombe bërthamore në ukrainën e jugit, do të zhbënte cdo arritje të forcave të Kievit në rajon. Andrei Gurulev, një gjeneral lejtnant në pension, që tani është deputet në dumën e shtetit, dhomën e ulët të parlamentit rus, thotë se Robotine, një fshat që u mor së fundmi nën kontroll nga forcat ukrainase, do të ishte vendi perfekt për të përdorur një armë bërthamore shkatërrimtare. Robotine, u rimor nën kontroll të hënën në kuadër të një kundërofensive të madhe kundër forcave të Putinit ndërsa ukraina po shtyhet drejt Detit Azov. Trupat e Kievit, mendohet se po tentojnë të ndërpresin lidhjen tokësore të rusisë në jug, në rajonin që lidh ukrainën me rusinë përmes krimesë së okupuar. Por Gurulev, ka sugjeruar përdorimin e një arme bërthamore në robotine edhe për shkakun se forcat ukrainase janë të mbledhura atje përpara tentativës së radhës, të madhe. “Ukrainasit janë të mbledhur të gjithë atje, në një vend...kjo është perfekte”, tha ai.