24 vende evropiane, mes tyre edhe Shqipëria, të mbështetur nga institucionet dhe agjencitë e Bashkimit Europian përfshirë Europol, janë bashkuar për të kryer një operacion për sekuestrimin e armëve me origjinë turke që trafikohen ilegalisht në BE përmes Bullgarisë dhe vendeve të tjera. Në total janë sekuestruar 1 mijë e 776 pistoleta, teksa operacioni është shtrirë në 24 vendeve europiane, përfshirë Shqipërinë dhe ka zgjatur nga 2 nëntori në 11 nëntor. Në operacionin ”Bosfori” u përfshinë oficerët e policisë nga Shqipëria, Greqia, Portugalia dhe Rumania të cilët kryen 81 bastisje shtëpish, ndërsa raportohet se janë arrestuar edhe dy shqiptarë. Këto hetime çuan në arrestime dhe konfiskime të mëposhtme 11 arrestime 191 armë zjarri, 3714 gëzhoja municioni, sasi të vogla të drogës përfshirë kanabis dhe kokainë, paketat e cigareve të stampuara, 1 automjet, 164 fishekë copë piroteknikë, si dhe dokumente false të identitetit. Nga rezultatet e mëparshme, të gjitha vendet pjesëmarrëse kryen aktivitete dhe hetime të ndryshme që çuan në kapjen shtesë të 1 585 armë zjarri".