Gjykata Themelore në Prishtinë ka marrë masën e sigurisë për Presidentin e Federatës së Futbollit në Kosovë, Agim Ademi. Ky i fundit u arrestua mesditën e të mërkurës dhe doli sot para gjykatës, që vendosi ta lërë një muaj në arrest shtëpie, në pritje të të tjera hetimeve që po zhvillon prokuroria e Kosovës. Agim Ademi akuzohet për shpërdorim të detyrës dhe shmangie të taksave, të dyja të kryera në institucionin që drejton akualisht, Federatën e Futbollit në Kosovë.