Pas fjalës së kryeministrit Edi Rama në Këshillin e Europës kundër rezolutës së Dick Marty me pretendimin e trafikimit të paligjshëm të organeve njerëzore nga krerët e UÇK-së, e cila solli një mori reagimesh, përfshi edhe braktisjen e darkës nga presidenca e Këshillit, ka reaguar edhe kryeparlamentarja Nikolla. Lindita Nikolla, nga posti i kryetares së Kuvendit, u është drejtuar me një letër kryeparlamentarëve të shteteve anëtare të Këshillit të Evropës, në të cilën i informon mbi miratimin nga Kuvendi i Republikës së Shqipërisë në 21 korrik 2022 të Rezolutës “Mbi pabazueshmërinë e pretendimeve për trafikimin e paligjshëm të organeve njerëzore në Kosovë dhe Shqipëri” dhe u kërkon mbështetjen e tyre, të anëtarëve të parlamenteve si edhe të delegacioneve përkatëse në Asamblenë Parlamentare të Këshillit të Europës për korrigjimin e këtij gabimi tragjik ndaj Shqipërisë dhe Kosovës.