Një 48-vjeçar u arrestua si një prej autorëve të atentatit ndaj Altin Halitit që mundi t’u shpëtojë plumbave. Në pranga përfundoi Iljas Toska nga Divjaka. Sipas policisë I arrestuari dyshohet se përkrahu autorët e tjerë duke I larguar ata nga vendi I ngjarjes ku dogjën makinën që përdorën për të kryer atentatin. Akuza këto që janë mohuar nga 48-vjeçari I cili sipas burimeve pretendon se ka qenë atje rastësisht. Ngjarja ndodhi më 26 gusht në rrugën e fshatit Dushnik në Berat, ndërsa shënjestra ishte Altin Halili, një I dënuar për vrasje në vitin 1997/ Lidhur me rastin grupi i posaçëm hetimor vijon veprimet për zbardhjen e plotë të ngjarjes, identifikimin dhe kapjen e personave të tjerë të përfshirë në këtë ngjarje. 46-vjeçari Altin Halili kishte pak kohë që ishte kthyer nga Italia dhe bënte lëvizje të kufizuara. Në vitin 2010 ai doli nga burgu pasi ishte dënuar me 15 vite për vrasjen e Sokol Kaloshit. Krim ky që dyshohet se ka nxitur edhe atentatin ndaj tij.