Një garë armatimesh në sfondin e inteligjencës artificiale ka nisur. Ky është paralajmërimi i hapur i ministrit të Jashtëm gjerman, Heiko Maas. "Ndodhemi në valën e këtij zhvillimi", thotë ai duke u prononcuar për një dokumentar të ri të Deutsche Welle-s të titulluar: "Future Ëars - and Hoë to Prevent Them". "Ky është realiteti, me të cilin kemi të bëjmë", thotë Maas. Një realitet, që është në qendër të luftës për dominim botëror. Edhe një raport aktual i Komisionit të Sigurisë të SHBA-së për Inteligjencën Artificiale tregon, se sa e rëndësishme është kjo temë për qeveritë në mbarë botën. Në të bëhet fjalë për „një paradigmë të re të të luftuarit, në të cilën përballja është algoritmet kundër algoritmeve". Bëhet thirrje për investime masive „për të qenë vazhdimisht më inovator se kundërshtari".Plani i fundit pesëvjeçar i Kinës vendos në qendër hulumtimin dhe zhvillimin, ndërsa Ushtria Popullore armatoset për një të ardhme, sikurse e quan ajo „të luftës së bazuar tek inteligjenca". E ky është vetëm fillimi. Në të ardhmen teknologjitë e komanduara prej inteligjencës artificiale mund të vihen ushtarakisht në masë në përdorim.