Një ditë pasi shqiptarja u gjet e pajetë në banesën e saj në Greqi, policia greke ka arrestuar bashkëshortin e saj. Kjo për faktin se burri I 62-vjeçares nuk ka lajmëruar fillimisht policinë në lidhje me ngjarjen. Trupi I viktimës kishte shenja dhune, ndërsa banesa ishte e rregullt. Ajo u gjet në dhomën e gjumit, ndërsa ende nuk dihen arsyet e arrestimit të bashkëshortit. Sipas dëshmive ai ka vrapuar në shtëpinë ngjitur dhe ka kërkuar ndihmë nga një fqinj, i cili ka parë të vdekur 62-vjeçaren. Fqinjët e çiftit në Gyzi e cilësojnë burrin e viktimës si person që pinte shpesh dhe përfshihej në sherre. Megjithatë, ata theksojnë se nuk e kishin dëgjuar kurrë çiftin të ziheshin. Ata thonë se gruaja kishte probleme të rënda shëndetësore dhe nuk përjashtojnë që vdekja e saj të ketë ardhur për shkaqe patologjike.