Tetë vjet pas nënshkrimit të kontratës, faza fillestare e një autostrade kontroverse në Mal të Zi, e cila do të kalojë mes për mes vendit, ka përfunduar. Autostrada është paguar pas marrjes së një kredie nga Kina me vlerën e 1 miliard dollarëve Edhe pse dikur ky projekt është konsideruar historik, për shkak të përfshirjes në Iniciativën kineze Një Brez një Rrugë, autostrada rrezikon të cojë në falimentimin e Malit të Zi për shkak të kostos së lartë. Malin e Zi i ka kërkuar ndihmë të BE-së të ripaguajë huanë që i mori Kinës për të ndërtuar pjesën e parë rë autostradës. Nëse nuk shlyhet sipas ekspertëve, borxhi mund të çonte në falimentimin e Malit të Zi. Autostrada Bar-Boljare,do të lidhë Serbinë, Malin e Zi dhe Italinë, por ky projekt ka ngritur pikëpyetje serioze në Podgoricë. Sipas një sërë ekspertësh, ndërtimi i autostradës do ta çonte vendin në një situatë shumë kritike financiare nëse Mali i Zi nuk do të ishte në gjendje të shlyente kreditë e ofruara nga Kina brenda afatit të caktuar. Ata kanë paralajmëruar madje se falimentimi i shtetit është një nga skenarët më të këqij, por edhe të mundshëm.