Një asteroid i madh me madhësinë e një fushe futbolli do të kalojë të martën pranë Tokës. Asteroidi, i quajtur 2006 ËB, vlerësohet nga NASA të jetë rreth 310 metra i gjerë, megjithëse disa ekspertë thonë se ai mund të ketë një diametër mes 240 dhe 525 metrash të gjerë. Për krahasim, një fushë futbolli është rreth 360 metra e gjerë, Statuja e Lirisë është rreth 305 metra e lartë dhe Monumenti i Uashingtonit është rreth 555 metra i gjatë. Në një distancë prej 891 mijë kilometrash, asteroidi do të kalojë pranë nesh në rreth dyfishin e distancës midis Tokës dhe Hënës sonë. Distanca është shumë e afërt nëse marrim parasysh shkallën e sistemit tonë diellor. Planeti ynë fqinj, Venusi, është rreth 38 milionë e 600 mijë km larg. Asteroidi pritet të kalojë pranë nesh me një shpejtësi prej rreth 4.2 kilometrash në sekondë. E kjo është disa herë më shumë se shpejtësia e plumbit më të shpejtë... Ka katër asteroidë të tjerë që do t'i afrohen Tokës gjatë ditëve në vijim. Të hënën, tre asteroidë të madhësisë së një autobusi do të fluturojnë në distanca prej miliona kilometrash. Më pas, të martën, një asteroid me madhësinë e një autobusi do të kalojë pranë po ashtu. "Asteroidët lëvizin gjatë gjithë kohës, kryesisht të paraportuar", thonë ekspertët. Probabiliteti që një asteroid i madh të godasë planetin tonë është tepër i ulët, megjithatë, nëse kjo do të ndodhte një ditë, do të ishte katastrofike për njerëzimin.