Personi që dekonspiroi dokumentet sekrete të SHBA duke ndezur alarmin e kuq për sigurinë kombëtare, është një i apasionuar pas armëve, rreth të 20-ave, që punonte në një bazë ushtarake. Lajmi është raportuar të mërkurën nga Uashington Post, duke cituar pjesëtarë të një grupi chati online. Personi ndau informacionet sekrete me një grup në platformën e mesazheve Discord, me disa dhjetëra të rinj me të cilët i bashkonte adhurimi për armët dhe pajisjet ushtarake – thotë Uashington Post. Gazeta, e bazoi raportin e saj, tek disa intervista me dy pjesëtarë të grupit të chatit. Discord ndërkohë tha në një deklaratë më herët se po bashkëpunonte me agjencitë e ligjit në SHBA. Departamenti i mbrojtjes dhe departamenti i Drejtësisë nuk kanë bërë ende komente. Ky i fundit hapi një hetim kriminal javën e kaluar pasi cështja iu referua nga Pentagoni, që po vlerëson dëmin e bërë nga ajo që mund të jetë rrjedhja më e dëmshme e informacioneve sekrete të shteteve të bashkuara në vite të tëra. Personi përdorte inicialet OG në grupin e chatit. Ai cilësohet nga një prej burimeve të Uashington Post, si rreth të 20-ave. Në atë që duket si rrjedhja më e rëndë e sekreteve amerikane në viti, foto të dokumenteve të ndjeshme u postuan në Discord dhe platforma të tjera, përfshirë Tëitterin, 4Chan dhe Telegram. Agjencitë kombëtare të sigurisë në SHBA dhe departamenti i drejtësisë po hetojnë rastin për të vlerësuar dëmet ndaj sigurisë kombëtare dhe marrëdhëniet me aleatët dhe vendet e tjera, përfshirë Ukrainën.