Mbi 480 mijë nxënës në mbarë vendin janë rikthyer këtë të hënë në bankat e shkollës për të nisur vitin e ri shkollor dhe rrugën e tyre të dijes. Pas 3 javësh mësim përsëritës tashmë nxënësit do të kenë mundësi të nisin shkollën pas pushimeve të verës. Ashtu si edhe një vit më parë procesi mësimor do të zhvillohet në masat e forta kundër koronavirusit. Distancimi sociale dhe mbajtja e maskave do të jetë e detyrueshme, ndërkohë që dhjetëra shkolla, për shkak të numrit të madh të nxënësve do të zhvillojnë mësimin me turne. Një tjetër masë që u prezantua në javët e fundit është dhe ajo e vaksinimit të mësuesve në të kundërt ata duhet të paraqesin një test negativ PCR cdo javë. Fillimi i vitit të ri shkollor u përshëndet dhe nga kryeministri Edi Rama. Me anë të një postimi në rrjetet sociale të shkollave të rindërtuara nga tërmeti, kreu i qeverisë uroi nxënësit dhe mësuesit në rrugën e gjatë të dijës. Partia Demokratike reagoi me anë të deputetes Ina Zhupa për vitin e ri shkollor. Për demokratët viti shkollor nis me halle të vjetra duke kritikuar në këtë mënyrë dhe masat anticovid të qeverisë që sipas Zhupës janë të pamjaftueshme.