Në Tiranë ka nisur tashmë numërimi mbrapsht për finalen e Conference League mes Romës dhe Feyenoordit që do të mbahet në 25 maj, një ngjarje historike kjo për futbollin në Shqipëri. tashmë në kryeqytet ka nisur puna për organizimin sa më të mirë të kësaj finaleje që ka ngjallur një interes të jashtëzakonshëm, gjë që e tregon se të gjitha biletat e vëna në dispozicion nga UEFA për klubet, por edhe publikun e përgjithshëm u shitën në një kohë jashtëzakonisht të shkurtër. Kjo do të thotë se Tirana do të pushtohet nga mijëra tifozë nga Holanda dhe Italia. Roma vjen në Tiranë për të luajtur një finale evropiane që i i mungonte prej plot 31 vitesh, por edhe Feyenoordi e do të fitojë këtë trofe që ka rëndësinë e saj e për më tepër, ky është edicioni i parë i këtij kompeticioni të ri të UEFA, kështu që fitorja e finales së Tiranës do të ketë një shije të vecantë për skuadrën fituese