Një çift nga Shqipëria janë ndaluar në aeroportin e Peruxhias, pasi u janë zbuluar 39.510 euro të cilat nuk I kishin deklaruar. Ata ishin nisur nga Tirana, me destinacion Italinë, por nuk I shpëtuan kontrolleve të zhvilluara nga kontrollorët e aeroportit si dhe Guardia di Finanza. Policia pohoi se në momentin që çifti I pikasi ata, gruaja në fjalë ndryshoi sjellje dh era në sy. Menjëherë u zhvillua një kontroll në çantët e tyre, ku u zbuluan rreth 40 mijë euro të cilat ata nuk I kishin deklaruar autoriteteve. Menjëherë në aeroport u aplikua ligji, ku u mbajt një përqindje nga shuma totale. Autoritetet policore mbajtën nga çifti 4200 euro. Ndër të tjera në çantën e bashkëshortit të saj u gjetën produkte ushqimore, të ruajtura jashtë kushteve. Policia njofton se rasti në fjalë është ai në të cilin është zbuluar shuma më e madhe e parave në këtë aeroport. Në fundjavë, një shtetasi nga Kosova ju konstatuan 12.500 euro. Dy shtetas të tjerë nga Shqipëria udhëtonin me disa mijë euro në këtë aeroport, por shuma që ata kishin me vete ishte më e ulët se 10 mijë euro.