Një familje me banim në Shkodër, është zbuluar se kultivonte kanabis në Lekbibaj të Tropojës. Policia njofton se ka arrestuar 2 nga anëtarët e kësaj familje dhe ka proceduar dy të tjerë. Sipas policisë, pas informacioneve të marra në rrugë operative se disa pjesëtarë të një familjeje kishin kultivuar para disa muajsh lëndë bimore cannabis sativa në Lekbibaj Tropojë dhe po e transportonin me një kamionçinë nga fshati Lekbibaj, Tropojë në drejtim të Shkodrës, u finalizua operacioni policor “LEKBIBAJ”. Policia ka ushtruar kontroll në banesën e një prej të dyshuarve dhe në magazinën ngjitur me banesën. Aty është gjetur në një thes misri është gjetur një sasi lënde cannabis sativa me peshë 767 gramë. Policia ka arrestuar një 44 vjeçar dhe një 41 vjeçar, të dy banues në lagjen Skënderbeg, Shkodër, ndërsa po procedohen në gjendje të lirë dy familjarë të tyre një 74 vjeçar dhe një 42 vjeçar.