Nga debutimi befasuese në belgjikë në 1991 tek aksidenti i papritur me ski në Alpet Franceze përpara 10 vitesh; kjo është parabola sportive e legjendës së Formula 1, Michael Schumacher që vetëm pas pak ditësh do të mbushë 55 vjec. Schumacher ishte vetëm 22 vjec kur bëri debutimin në kampionatin më spektakolar automobilistik, Formula 1 në 25 gusht të 1991 në pistën e SPA në cmimin e madh të Belgjikës me skuadrën e Jordan ku për rrethana jo shumë të zakonshme zëvendësoi Bertrand Gachot. Në atë kohë Schumacher rezultonte fituesi i titullit në Formula 3 gjermane dhe një pilot me rezultate të mira me Sauber Mercedes ne Botërorin e Prototipave në skuadrën Junior bashke me Frentzen e Ëendlinger. Por kjo situatë nuk do të zgjaste shumë. Debutimi në pistën e SPA i Michael Schumacher bëri shumë zhurmë, me thuajse të panjohurin Schumacher që e kualifikoi Jordanin ne vijën e tretë të startit të garës, por që më pas u detyrua të tërhiqej. Megjithatë, kjo tërheqje nuk e pengoi aspak Flavio Briatoren që të merrte Schumacher te skuderia e Benetton dhe në më pak se një vit, Schumacher në pistën e Ardenne regjistroi fitoren e tij të parë nga 91 që ka në total në karrierë në Formula 1.