Kanë nisur hetimet nga Prokuroria e Tiranës për vrasjen e 24 vjeçarit Eliot Charlet. Ai u gjet i vrarë në prill të këtij viti në Kroaci. Prokuroria e Tiranës ka bërë me dije se është duke verifikuar kontaktet e 24-vjecarit në Shqipëri, pasi ka rezultuar nga hetimet franceze që ka pasur kontakte që lidhen me antenat telefonike shqiptare. Sakaq edhe oficerë të Policisë Gjyqësore janë angazhuar në këtë hetim për verifikimin e të dhënave dhe informacioneve të vrasjes së 24 vjeçarit. Këta oficerë ndër të tjera do të verifikojnë një sërë personash që kanë hyrë dhe dalë nga Shqipëria në data të afërta me vrasjen, e cila konsiderohet ende mister për autoritetet franceze dhe kroate. Sakaq pas verifikimit dhe mbledhjes së të dhënave nga Prokuroria e Tiranës, ato do të dërgohen tek autoritetet franceze,. Sakaq, pas vrasjes së shqiptarit Eliot Charlet në Kroaci, mediat e këtij shteti kanë ngritur dyshime se ngjarja mund të kishte si autorë trafikantë të emigrantëve. Kjo sipas tyre për shkak të zonës ku është gjetur trupi. Megjithese këto dyshime ende nuk janë vërtetuar dhe vrasja e tij konsiderohet një mister.