Një 25-vjeçare shqiptare, nënë e tre fëmijëve mes tyre edhe një foshnje, është bërë gruaja e parë që pritet të ekstradohet nga Britania e Madhe drejt Shqipërisë për të vuajtur një dënim me burg E reja do të dërgohet në burgun e grave në Pogradec, ku do të vuajë një dënim katërmujor për përdorim të një pasaporte të falsifikuar rumune. Gjykata britanike miratoi ekstradimin, duke theksuar se rreziku që Britania të shihet si strehë e sigurt për kriminelët është më i madh sesa pretendimet e saj për cenimin e të drejtës për jetën familjare, në bazë të Konventës Evropiane për të Drejtat e Njeriut.