Numri i lartë i emigrantëve që kalojnë kufirin me Francën për në angli, mes tyre shumë shqiptarë, është kthyer në një temë të nxehtë për të cilën debatohet cdo ditë në Britaninë e Madhe. Sekretarja e brendshme, Suella Braverman, e cila foli pak kohë më parë për një pushtim të britanisë nga emigrantët shqiptarë, ka folur sërish në një intervistë për Sky Neës, për këtë cështje. “Unë dhe Kryeministri e kemi patur të qartë se migrimi i paligjshëm është krejtësisht i papranueshëm”, thotë ajo duke shtuar se një qasje shumëdimensionale dhe bashkëpunimi me francezët janë çelësi për adresimin e problemeve në kufirin britanik. Braverman, e cila nënshkroi marrëveshjen në Francë të hënën në mëngjes, tha: “Ka disa elementë në marrëveshje dhe mendoj se përfaqëson një hap tjetër pozitiv në bashkëpunimin tonë me francezët. Nuk mund të zgjidhet problemi brenda natës. Por mendoj se për herë të parë kemi disa fitore reale si për francezët ashtu edhe për Mbretërinë e Bashkuar”.