Presidenti i Republikës, Ilir Meta ka pritur në një takim ambasadorin e ri të OSBE-së në vendin tonë, Vincenzo Del Monaco. Në një postim në Facebook, Meta thotë se gjatë takimit ka vlerësuar rëndësinë e OSBE-së për Shqipërinë, si Organizata e parë shumëpalëshe në të cilën aderuam pas rënies së komunizmit, si dhe kontributin ndër vite të saj në drejtim të forcimit të demokracisë dhe shtetit ligjor në vendin tonë. “Theksova se Prania e OSBE-së duhet të luajë një rol më të rëndësishëm në mbështje të reformave strategjike në kuadër të nisjes së negociatave të anëtarësimit në Bashkimin Europian, veçanërisht në fushën e zgjedhjeve, demokracisë, sundimit të ligjit, forcimit të institucioneve të pavarura, respektimit të të drejtave të njeriut dhe luftës kundër krimit e korrupsionit”, shkruan Meta. Presidenti Ilir Meta në takimin me kryetarin e ri të Pranisë së OSBE-së, Ambasadorin Vincenzo Del Monaco, ashtu si edhe takimet e zhvilluara se fundmi, shafqet me maske, ne zbatim te masave te percaktuara ne lidhje me parandalimin e perhapjes te covid 19.