Një organizatë kriminale me focus vjedhjet është shpërbërë në Greqi, pas një aksioni ndërkombëtar, i cili kishte nisur që prej gushtit të vitit 2022. Më 27 janar në Korinth dhe Atikë arrestuan katër anëtarë të bandës, me origjinë shqiptare, të moshës 26 deri në 44 vjeç. Organizata kriminale operonte në fushën e vjedhjeve, të pastrimit të parave, në trafikun e narkotikëve, si edhe ishte përfshirë në dhunimin e punonjësve të drejtësisë dhe shtetasve të huaj. Në mbarë vendin kanë dalë të paktën 21 raste vjedhjesh, ku vetëm brenda 5 muajve, organizata ka siguruar një përfitim financiar të paligjshëm prej të paktën 200 mijë euro. Ata operonin në rajone të ndryshme të Greqisë si Arkadia, Korinthia, Argolis, Akaia, Aetoloakarnania, Fokida, Evrytania, Preveza, Arta, Trikala dhe Kardita. Gjithashtu në mediat greke bëhet me dije se dobësia e tyre ishin bizhuteritë, metalet e çmuara, paratë e gatshme dhe orët e shtrenjta Rolex. Ndërkohë mësohet se drejtuesi i organizatës jetonte në një fshat të largët rural të Korinthit, konkretisht në Stimaga, një fshat me pak banorë, që banditi shqiptar të vepronte pa u vënë re. Edhe shoferi i tij është gjithashtu një anëtar kyç i organizatës. Një tjetër I arrestuar është një person me aftësi të kufizuara, me një krahë dhe një këmbë.