Tre persona janë vënë në pranga nga policia e Vlorës në kuadër të operacionit policor të koduar ‘Bishani’. Uniformat blu bëjnë me dije se Aldo Tushaj 34 vjec, Sokol Beqiraj 29 vjec dhe Alban Velo 34 vjec, janë arrestuar në flagrancë teksa po transportonin lëndë narkotike, me qëllim shitjen e saj. Shërbimet e Policisë, bazuar në informacionet e marra në rrugë operative në fshatin Bishan , bënë lokalizimin dhe bllokimin e automjetit me të cilin dyshohej se transportohej lëndë narkotike. Në kuadër të këtij operacioni, gjatë kontrollit fizik të ushtruar tek këta perosna dhe më pas në mjetin e tyre tip Ford, policia ka bërë të mundur gjetjen dhe sekuestrimin e 30 kilogramëve lëndë narkotike e dyshuar cannabis sativa. Vijon puna për identifikimin dhe kapjen e personave të tjerë të implikuar në këtë veprimtari kriminale. Materialet i kaluan Prokurorisë, për veprime të mëtejshme, për veprën penale “Prodhimi dhe shitja e lëndëve narkotike”.