Një 28-vjeçar i shpallur në kërkim për tentativë vrasjeje me paramendim dhe armëmbajtje pa leje ka rënë në prangat e policisë së Tiranës. Ky shtetas ishte shpallur në kërkim nga Gjykata e Shkodrës në vitin 2024, për veprat penale “Vrasja me paramendim”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe municionit”. Gjatë kontrollit fizik, policia i gjeti një kartë identiteti italiane të dyshuar si e falsifikuar, një shumë parash, tre celularë dhe një kartë SIM, të cilat u sekuestruan si prova materiale. Sakaq në pranga ra edhe 37-vjeçari, për përkrahje të autorit të krimit, i cili dyshohet se shoqëronte dhe transportonte me motomjet shtetasin në kërkim. Edhe mjeti u sekuestrua si provë. Të arrestuarit iu dorëzuan Drejtorisë Vendore të Policisë Shkodër, ndërsa materialet procedurale u referuan Prokurorisë Tiranë.