Rita Ora është akuzuar se ka shkelur rregullat e vendosura nga autoritetet në britaninë e madhe, pas organizimit të një feste për ditëlindjen e saj të 30-të, ku ishin të pranishëm më shumë se 30 persona. Sic raporton britanikja The Sun, ylli i popit që kishte ditëlindjen javën e kaluar, organizoi një festë private në restorantin Casa Cruz në Notting Hill, në londrën perëndimore, të shtunën, më 28 nëntor. Mes të pranishmëve në festë, sic raportojnë mediat britanike, ishin edhe modelet Cara e Poppy Delevigne si edhe motra e këngëtares, Elena. Fotot e publikuara tregonin të ftuarit që mbërrinin dhe stafin që hynte në restorant përmes një dere metalike anësore. Oficerët e policisë u panë në një moment në restorant, ndërsa përpiqeshin të shikonin brenda tij e madje edhe të tentonin të hapnin derën metalike. Qeveria ka vendosur një izolim në shkallë kombëtare që është në fuqi deri më 2 dhjetor në përpjekje për të ngadalësuar përhapjen e koronavirusit, pas të cilit do të pasojë një regjim i ndarë në shkallë në angli, deri në pranverën e 2021. Pjesëtarëve të publikut i është kërkuar të qëndrojnë në shtëpi dhe të evitojnë të takohen me njerëz jashtë familjeve të tyre. restorantet në londër janë të mbyllura po ashtu me përjashtim të përgatitjes së ushqimeve për tu marrë me vete. Ata që shkelin rregullat, mund të përballen me gjoba të majme...Një zyrtar i policisë metropolitane të londrës tha për The Sun se policia ishte njoftuar të shtunën në mbrëmje për një shkelje të mundshme të rregullave anti covid. Përfaqësuesit e Rita Orës ose të të ftuarve Vip të festën e saj, nuk kanë bërë ndërkohë asnjë koment.