Kombëtarja shqiptare mbylli përgatitjet për ndeshjen e saj të parë të kualifikueseve të Euro 2024 me Poloninë në Varshavë. Në Shtëpinë e Futbollit skuadra kuqezi ka zhvilluar seancën e fundit stërvitore përpara nisjes në kryeqytetin polak. Stërvitja u zhvillua me dyer të mbyllura por shqetësimi i kuqezinjve ka qenë për portierin Strakosha dhe sulmuesin uzuni të cilët në stërvitjen e së premtes nuk ishin bashkë me pjesën tjetër të lojtarëve teksa bënë më shumë fizioterapi për shkak të lodhjes muskulare. Gjithsesi, ky shqetësimu fashit menjëherë teksa stafi mjekësor konfirmoi se të dy futbollistët janë në gjendje të mirë dhe iu bashkuan grupit për të kryer stërvitjen rregullisht. Stërvitja e fundit në Tiranë e Kombëtares zgjati 90 minuta dhe asnjë prej futbollistëve nu shfaqën probleme fizike.