NATO po shqyrton "korridore tokësore" të shumta për të lëvizur trupat dhe forcat e blinduara amerikane, në vijat e frontit, në rast të një lufte të madhe tokësore me rusinë, në evropë. Ushtarët amerikanë do të zbarkojnë në një nga pesë portet e mëdha të evropës dhe do të zhvendosen përgjatë rrugëve logjistike të planifikuara paraprakisht për t'u përballur me një sulm të mundshëm nga Moska, thanë zyrtarët për britaniken The Telegraph. Kjo vjen në mesin e paralajmërimeve nga udhëheqësit më të lartë të Aleancës, se qeveritë perëndimore duhet të përgatiten për një konflikt me Rusinë në dy dekadat e ardhshme. Rrugët logjistike janë bërë një përparësi kryesore që kur udhëheqësit e NATO-s ranë dakord të përgatisin 300,000 trupa që do të qëndrojnë në gjendje gatishmërie të lartë për të mbrojtur aleancën, në një samit në Vilnius të Lituanisë, vitin e kaluar.