Kombet e NATO-s duhet të prodhojnë më shumë armatime me qëllim që të përballen me kërcënimin në rritje nga Rusia, tha gjenerali i lartë i aleancës Christopher Cavoli për AFP të enjten. "Kur bëhet fjalë për pajisjet ushtarake... ne duhet të ndërtojmë më shumë, duhet të zgjerojmë bazën tonë industriale," tha Komandanti Suprem i Aleatëve Europe Cavoli në ceremonitë e 80-vjetorit të zbarkimit të aleatëve në Normandi. Por ai shtoi se NATO "është e gatshme të bëjë mbrojtje kolektive territoriale", dhe këtë e dëshmoi më së miri stërvitja e madhe Steadfast Defender 24, e cila përfshiu 90,000 trupa aleate dhe u zhvillua vende të shumta evropiane nga janari deri në maj. "Ne e kemi zhvendosur fokusin tonë tërësisht gjatë dy viteve të fundit, kemi bërë operacione jashtë zonës sonë, tani jemi fokusuar në mbrojtjen e territorit të aleancës," tha Cavoli. Pushtimi i ukrainës nga rusia dhe mbrojtja e Kievit e mbështetur nga perëndimi kanë treguar një oreks të madh të konflikteve moderne për municione dhe pajisje të tjera. Megjithatë, është dashur kohë që kontraktorët e mbrojtjes të rrisin prodhimin e municioneve, nga predhat e artilerisë e deri te automjetet dhe dronët. Gjenerali Cavoli tha se NATO "do të bëjë studiojë gjithcka nga ky konflikt, me qëllim që të dilet me përfundime prej tij". Trupat e NATO-s gjithashtu do të mësojnë nga "teknikat dhe taktikat" e përdorura në fushat e betejës në ukrainë në një qendër që do të ngrihet në Poloni.