Ka mbërritur edhe në Greqi mutacioni i rrezikshëm i covid 19. Lajmi bëhet publik nga burime qeveritare, të cilat pohuan se 4 nga 6 raste të dyshuara kanë mbërritur në Athinë nga Britania e Madhe, mbrëmjen e së mërkurës së kaluar dhe pasi janë diagnostikuar pozitivë gjatë marrjes së rapid test në momentin e mbërritjes në aeroportin ‘Elefterios Venizelos’ të Athinës, janë dërguar në hotel karantine nën masa të izolimit total. Në vazhdim është kryer edhe testi pcr, rezultatet e të cilëve kanë konfirmuar mutacionin më agresiv të virusit, të zbuluar rishtaz në Angli. Autoritetet Greke janë vënë në alarm dhe kanë nisur gjurmimin e kontakteve të 4 udhëtarëve, ndërsa janë marrë masa shtesë për dezifektimin e ambienteve në të të cilin kanë qëndruar ata në aeroport, para dhe pas marrjes së kampionëve të rapid test. Sipas mediave helene, kjo ka qënë edhe arsyeja që e detyroi qeverinë greke të deklarojë me urgjencë një lock down të rreptë nga data 3-11 janar, me qëllim kufizimin sa më shumë mundet të përhapjes së ketij mutacioni të virusit vrastar