Njeriu më i pasur në botë, Elon Musk, ka kompletuar blerjen e kompanisë Tëitter, raportuan mediat në Shtetet e Bashkuara. Marrëveshja është në vlerë prej 44 miliardë dollarësh. Ai shkroi në Tëitter se “zogu është liruar”, një referencë për logon e kësaj kompanie, por si duket edhe për dëshirën e tij që kjo kompani të ketë më pak kufizime lidhur me përmbajtjen që postohet në të. Raportohet se një numër drejtuesish të kompanisë janë pushuar nga puna, përfshirë edhe shefin e Tëitter-it, Parag Agraëal. Me përmbylljen e marrëveshjes merr fund edhe saga gjyqësore, pasi Tëitter e kishte cuar cështjen në gjykatë me qëllim që ta detyronte miliarderin t’i përmbahej marrëveshjes së blerjes së kompanisë. Musk ka qenë kritik i politikave të Tëitter-it dhe lajmi se ai ka blerë këtë platformë të rrjeteve sociale është pritur me reagime të përziera nga përdoruesit e Tëitter-it dhe punëtorët. Miliarderi megjithatë ka thënë se ai dëshiron që të parandalojë që kjo platformë të bëhet vend për përhapjen e urrejtjes dhe pikëpamjeve ndarëse.