Një 29-vjeçar shqiptar ka rënë në prangat e karabinierëve italianë, i cilësuar si kreu I një bande kriminale. Fillimisht ai është identifikuar si murator, por për hetuesit ështe pikërisht personi që drejtoi trafikun e drogës që nga Spanja dhe deri në Italinë e Jugut. Më 3 dhjetor 2020, në një magazinë në zonën industriale në kufirin midis Rimini dhe Spadarolo u sekuestruan 275 kg hashash e marijuanë. Në pranga përfunduan tre shqiptarë të moshës 26, 39 dhe 35 vjeç, dy të parët me banim në Rimini, i treti të pastrehë dhe të parregullt në zonë. Më 3 mars, 29-vjeçari, i dyshuar si drejtues i bandës, kishte shkuar personalisht në Pulia për t’u marrë me grumbullin e madh të hashashit që kapte velrën e 2 milionë eurove. Ai e kishte ndarë në kuti me perime dhe i përzier me qepë në mënyrë që të mos ndihej era.