Trajneri Silvinjo ka përzgjedhur 24 lojtarët për dy sfidat vendimtare të Nations League, atë ndaj Çekisë në Pragë dhe atë ndaj Gjeorgjisë në Tbilisi. Ajo që bien në sy është mungesa e Etrit Berishës. Në portë, trajneri ka thirrur Strakoshën si zgjedhje e parë, Kastrati si zëvendësues i parë i tij dhe portiere shqiptar i Kaljarit, Alen Sherri si zgjedhje e tretë. Në sulm është rikthyer Mirlind Daku pas dy ndeshjeve pezullim për thirrjet e kontestuar gjatë sfidës së fundit të europianit të Gjermanisë të barazuar nga kuqezinjtë me Kroacinë me rezultatin 2 me 2. Pjesa tjetër e të grumbulluarve nuk dallime në krahasim me dy sfidat e para të Nations League. Mesfusha do të ndahet mes Ramadanit, Bajramit dhe Asllanit, ndërsa në mbrojtje është thirrur edhe Gjimshiti, që ka tejkaluar shqetësimet fizike që ndjeu pas ndeshjes Champions të mesjavës, ku shënoi edhe gol në fitoren e Atalantës ndaj Shakhtarit. Kuqezinjtë luajnë me Çekinë sfidën përballjen e parë në këtë grup më 11 tetor, ndërsa më pas është ndeshja e vështirë ndaj Gjeorgjisë në Tbilisi. Në ndeshjen e parë, gjeorgjianët fituan në Tiranë me rezultatin minimal 0-1.