Operacioni për prodhimin e pagerëve që shpërthyen në Liban në fillim të kësaj jave, duke patur në shënjestër anëtarët e Hezbollahut, thuhet se është planifikuar për të paktën 15 vjet. Planifikimi i sulmit përfshinte kompani guaska, me disa shtresa oficerësh të inteligjencës izraelite dhe asetet e tyre që drejtonin një kompani legjitime që prodhonte pajisjet, tha një burim i inteligjencës amerikane për ABC Neës. Të paktën disa nga ata që kryenin punën nuk ishin në dijeni se për kë po punonin në fund të fundit, tha gazeta. Shpërthimet e pagerave të martën dhe shpërthimet e radiove të mërkurën vranë të paktën 37 persona, mes të cilëve edhe dy fëmijë, si edhe plagosën rreth 3 mijë të tjerë. Firma e lidhur me pejxherat shpërthyes në liban është regjistruar në një bllok apartamentesh anonime, gjysmë të rrënuara, në kryeqytetin bullgar sofje. Agjencia bullgare e sigurisë Dans hyri në ndërtesë të enjten pasi tha se do të hetonte çdo lidhje me shitjen e pagerëve te Hezbollahu. Media bullgare njoftoi se kompania e quajtur Norta Global mori në dorëzim pjesë nga Tajvani përpara se të prodhonte pager-at. Kompania hungareze BAC Consulting ishte gjithashtu e lidhur, por tha se ishte vetëm një "ndërmjetës" për një marrëveshje me një furnizues tajvanez. Hezbollahu kishte porositur 5,000 beepera të prodhuar nga Gold Apollo me bazë në Tajvan pasi grupi u urdhërua të distancohej nga celularët. Gold Apollo tha për mediat se porosia specifike ishte prodhuar nga BAC Consulting KFT në Budapest. Shefi i Gold Apollo, Hsu Ching-kuang tha se BAC kërkoi të prodhonte pager-at e tyre me markën tregtare të kompanisë dhe ata ishin paguar nga një llogari bankare misterioze në Lindjen e Mesme. Raportet thonë se spiunët izraelitë Mossad e kanë kryer sulmin, por ata nuk kanë bërë komente deri më tani. Mossad duket se krijoi kompani guaska për të ndërtuar vetë pajisjet për të futur në kurth hezbollahun. Pajisjet u prodhuan zyrtarisht nga kompania hungareze BAC Consulting, e cila mohoi pretendimet. Neë York Times raportoi se BAC është një kompani izraelite guaskë, një nga të paktën tre të përdorura nga mosadi për të fshehur identitetin e tij. BAC pranonte edhe klientë të zakonshëm për të cilët prodhonte pagera të zakonshëm. Megjithatë, dërgesat për Hezbollahun përmbanin eksploziv PETN.