Drejtuesi politik i Partisë Socialiste për këtë qarkun, Erion Veliaj, prezantoi këshilltarët e PS për Bashkinë Kamëz. Gjatë fjalës së tij në Kamës, Veliaj, i cilësoi kandidatët opozitarë si kukullat e radhës të Saliut dhe Ilirit. “Ju mendoni se unë e kam këtë debat me dhëndrin tonë këtu në Tiranë, që po kandidon për Saliun? Jo mor jo, këta janë kukulla të shkretët. Këta janë kukulla për ata që janë mjeshtra të kukullave. Njëherë kishim kukullat me tramin, tani e kemi me taksi dhe me aviona falas. Është kukulla e radhës, por nuk e kemi ne as me policin, as me parukierin, as me dhëndrin tonë. Ne e kemi me ato që janë mjeshtrat e vërtetë. Të gjithë e dimë që mjeshtrat e vërtetë, ata që janë non grata dhe që Shqipërinë duan ta çojnë gjithmonë e më mbrapa për hallet e tyre, jo për hallet e komunitetit, janë Saliu dhe Iliri.” Ndërkohë Veliaj kishte edhe një ftesë për demokratët.