Një vorbull ajri e frikshme u përplas mbi një plazh italian, të mbushur me njerëz, duke bërë që çadrat të fluturonin në qiell ndërsa turistët e përfshirë nga paniku vraponin për shpëtim. Ngjarja e frikshme u fiksua në kamera ndërsa ndodhi në bregun Maccarese, në veri të Romës. Dhjetëra pushues të tronditur u panë duke vrapuar nëpër rërë ndërsa kolona e erës shkuli çadrat nga rëra dhe i hodhi në ajër si shigjeta. Vendasit dhe turistët e tmerruar shtrëngonin çantat dhe sendet e tyre në gjoks ndërsa vraponin të dëshpëruar. Rëra dhe çadrat e diellit rrotulloheshin mbi kokat e tyre, duke krijuar një vorbull marramendëse mbi bregdet ndërsa tornadoja përshkoi skenën. Çuditërisht, disa plazhistë nuk lëvizën nga vendi, të ngjitur pas shezlongjeve të tyre, ndërkohë që vorbulla rrëmbente peshqirë dhe sende të tjera. Të paktën një grua pësoi lëndime të lehta, sipas raporteve lokale, dhe kërkoi ndihmë mjekësore pasi u godit nga vorbulla e ajrit.