Dy banorët Kiara Tito dhe Luiz Ejlli të cilët u bënë çift në shtëpinë më të famshme në Shqipëri ‘Big Brother VIP2’ kanë kaluar momente romantike së bashku në suitë. Kjo është nata e dytë që dyshja ka kaluar në një dhomë veçmas dhe larg banorëve të tjerë. Ishte vetë moderatorja e cila ka marrë vetë hapin e parë për të surprizuar Luizin, duke qenë se ishte njëra nga fitueset e lojës së imitimeve. Gjatë kësaj kohe nuk munguan bisedat mes tyre, batutat, lojërat, të qeshurat dhe përqafimet. Sipas ‘Vëllait të Madh’, ata do të qëndrojnë edhe një natë në suitë, deri në spektaklin e së martës. Kiara dhe Luizi po vazhdojnë të tregojnë çdo ditë e më shumë përkushtimin, dashurinë e ndjenjat për njëri-tjetrin. Ata kanë diskutuar për shumë gjëra, për raportin e tyre jashtë, pushimet e mes tjerash edhe për një dasmë.