Berati dhe Korca janë dy qytetet, familjet e të cilave janë të fiksuar pas luksit në shtëpi, në raport me qarqet e tjera të vendit. Të dhënat e instat për buxhetin e familjeve ka identifikuar se beratasit shpenzuan për furniturën e shtëpisë, mobilie dhe pajisje rreth 10 për qind të totalit të buxhetit të tyre mujor më 2019. Pas Beratit shihet se Korça ishte qarku me shpenzimet më të larta për furniturën dhe mirëmbajtjen e shtëpisë, me 9.2 për qind të shpenzimeve totale. Kjo tendencë e këtyre qarqeve për të shpenzuar për mirëmbajtjen e shtëpisë është e dukshme, pasi banesat dhe oborret e tyre kanë më shumë detaje se në qarqet e tjera. Pas Beratit dhe Korçës, kujdes më të lartë për banesën kanë familjet në qytetin e Gjirokastrës dhe Fierit, të cilat shpenzojnë përkatësisht për të mobiluar dhe mirëmbajtur shtëpinë 8.7 dhe 8.2 për qind nga shpenzimet e tyre mujore. Në të kundërt shpenzimet e ulëta për banesën i kanë familjet në Kukës, Shkodër dhe Lezhë. Gjithsesi familjet në Shqipëri në raport me buxhetin që kanë shpenzojnë më shumë se familjet në BE. Sipas anketave të Eurostat familjet në vendet anëtarë të BE-së çojnë 5.4% të totalit të shpenzimeve mujore për mobiliet dhe pajisjet e shtëpisë