Është përhapur me shpejtësi lajmi i rëndë I vdekjes së një mjekeje shqiptare në Gjermani, e cila është ndarë nga jeta në moshë fare të re duke I shkaktuar dhimbje të madhe të afërmve e miqve, por edhe kolegëve që e kanë vlerësuar lart kontributin e saj. Njoftimin e shuarjes së Eni Dokos e dha vetë kryetarja e Federatës së mjekëve në Europë, Aurora Dollenberg. ““Doktoresha Eni Doko, një mjeke specialiste dhe njeri i mrekullueshëm është larguar nga jeta, duke i lënë familjes një humbje të pamasë dhe ne si kolege dhe miq të saj, duke na privuar nga privilegji që ta kishim pranë në vitet që vijnë. Doktoreshë Eni me të qeshurën, bukurinë dhe dritën tënde do mbetesh përhera në zemrat tona”, ka shkruar Dollenberg në profilin e saj në Facebook. Miq të mjekes shkruajnë se ajo ka humbur jetën aksidentalisht, por nuk japin detaje të mëtejshme. Doko I kishte përfunduar studimet në Universitetin e Mjekësisë Tiranë, e pasi kishte punuar Qendrën Spitalore Universitare “Nënë Tereza’, u transferua në Gjermani. Po përmes Facebookut, shoqata e Mjekëve Shqiptarë në Gjermani dhe Kryetarët e Dëgeve u shprehën të gatshëm t`I ofrojnë familjes së mjekes ndihmën e tyre në këtë moment të vështirë.