Kjo e marta ka qenë e para ditë e hapjes pas izolimit të plotë dymujor me numrin më të lartë të të infektuarve me koronavirus. Kjo ka qenë arsyeja, që mjekët e infektivit, që u përballën me këtë pandemic lëshojnë thirrjen për të pasur kujdes dhe për respektim të masave nga të gjithë. “Gjatë 3-4 ditëve të fundit kemi një shtim të numrit të rasteve, pra paraqitja e 10 pacientëve në ditë për shërbim dhe për t’u hospitalizuar është shifër që duhet marrë në konsideratë. Është për t’u vlerësuar që ky shtim i rasteve shoqërohet me raste të rënduara, ku mbizotëron Tirana. Kur ke pacientë në terapi intensive do të thotë që situata është realisht për t’u tërhequr vemendja e popullatës, për shkak se është e vërtetë që është ulur vëmendja. Nuk janë vetëm moshat që janë me sëmundje kronike të shtruar në shërbimin infektiv, por aktualisht ka mosha të reja që janë në terapi intensive dhe kuptoni çdo të thotë të jesh në terapi intensive në një moshë shumë të re.