Forca të shtuara të Policisë rrethuan objektin në Beograd, ku filloi festivali "Mirëdita, dobar dan!", i cili I përcjell publikut skenën kulturore dhe shoqërore të Kosovës. Festivali mbahet që nga viti 2014 dhe organizohet nga Iniciativa e të rinjve për të drejta të njeriut. Ai do të zgjasë deri më 24 tetor.Kundër mbajtjes së këtij festivali protestuan organizatat e krahut të djathtë. Disa qindra persona, të udhëhequr nga kryetarja e partisë së djathtë serbe “Zavetnici”, Milica Gjurgjevic Stamenkovski u mblodhën rreth orës 18:00, kur ishte paralajmëruar edhe hapja e festivalit, megjithatë kordoni I policisë nuk I la të afroheshin shumë. Partia Radikale Serbe (SRS), të cilën e drejton i dënuari nga Haga, Vojislav Sheshel, paralajmëroi në 21 tetor në faqet vet të internetit që “asnjë shtet serioz nuk do të lejonte që të mbahej festivali ‘Mirëdita, dobar dan!’, sepse sipas tij bëhet fjalë për propagandë kundër shtetit si dhe për promovim të shtetit të rremë të Kosovës”. Në hapjen e festivalit, Fiona Jeliqi nga Nisma rinore për të drejtat e njeriut, tha se të rinjve u ka mbetur barra e pajtimit, dhe bëmave të gjeneratave të mëparshme. Sipas saj, ky festival është vetëm një mënyrë që të gjithë si shoqëri të bashkohen apo t’i ofrohen këtij qëllimi.