Komisioni I Ligjeve ka miratuar draftin e ri i të mazhorancës për ndryshimet në Kodin Zgjedhor. Ky draft është miratuar me votat e Partisë Socialiste dhe të gjysmës së opozitës së re. Deputetët Rudina Hajdari, Andi Përmeti dhe Ralf Gjoni nuk e kanë votuar propozimin e PS që u prezantua nga Damian Gjiknuri. Propozimi më I rëndësishëm në variant e PS është ai që parashikon një ulje të pragut për partitë nga 3 deri në 1%. Por, shumica nuk ka pranuar të heqë dorë nga variant I parë I saj për koalicioneët. Kështu në Komision u miratua variant me koalicionet me listë unike, jo të përbërë siç e kërkon PD-LSI. Në këtë pikë, ndryshe nga nenet e tjera, opozita parlamentare bojkotoi mbledhjen dhe kjo pjesë kaloi pa votat e tyre. Sa i takon shpërndarjes së mandateve për kandidatët fitues të listë, parashikohet që renditja e kandidatëve që përfitojnë mandat ndryshon, nëse kandidati ka marrë një numër votash parapëlqyese më të madh se HERËSI që del nga pjestimi i numrit të votave të subjektit me numrin e mandateve të fituara nga subjekti sipas nenit 162 të këtij Kodi, por JO MË SHUMË SE 10,000 VOTA. Ndryshimi tjetër ka të bëjë me detyrimin për RI-RËNDITJEN E PJESËS SË PARË TË LISTËS që korrespondon me mandatet e fituara ashtu sikurse ri-renditjen e pjesës së dytë të listës, bazuar mbi rezultatin e votave preferenciale. Në një tjetër ndryshim parashikohet në nenin 67, ku përcaktohet se kryetari i partisë garuese në zgjedhje kur ajo konkuron e vetme, ose partisë udhëheqëse të koalicionit kur garojnë disa parti sëbashku në një listë, mund të regjistrohet njëkohësisht deri në 4 zona zgjedhore.